അഴീക്കോട് ജന്മശതാബ്ദി

കൊല്ലം: ഡോ. സുകുമാർ അഴീക്കോട് ജന്മശതാബ്ദി ആഘോഷത്തിന്റെ ഭാഗമായി ഡോ. സുനിൽ.പി ഇളയിടം പ്രഭാഷണം നടത്തുന്നു. കാമ്പിശേരി കരുണാകരൻ ലൈബ്രറിയുടെ ആഭിമുഖ്യത്തിൽ കൊല്ലം പ്രസ്​ക്ലബ് ഹാളിൽ 25ന് വൈകിട്ട് 4നാണ് പ്രഭാഷണം. 'കേരളം നിർമ്മിച്ചുകൊണ്ടിരിക്കുന്ന സാംസ്‌കാരിക ഭൂപടം' എന്നതാണ് വിഷയം. ലൈബ്രറി പ്രസിഡന്റ് സി.ആർ.ജോസ്​പ്രകാശ് അദ്ധ്യക്ഷനാകും. ലൈബ്രറി സെക്രട്ടറി പി.എസ്.സുരേഷ് സ്വാഗതം പറയും. താലൂക്ക് ലൈബ്രറി കൗൺസിൽ പ്രസിഡന്റ് അഡ്വ. കെ.പി.സജിനാഥ്, ലൈബ്രറി വൈസ് പ്രസിഡന്റ് ജി.വിജു, ലൈബ്രറി ജോയിന്റ് സെക്രട്ടറി ജയൻ മഠത്തിൽ എന്നിവർ സംസാരിക്കും.