ലിറ്റിൽ കൈറ്റ്‌സിൽ ഇനി സ്റ്റുഡന്റ് മെന്റർമാരും

കോട്ടയം: പൊതുവിദ്യാലയങ്ങളിൽ പ്രവർത്തിക്കുന്ന 'ലിറ്റിൽ കൈറ്റ്‌സ്' ഐ.ടി ക്ലബുകളുടെ പ്രവർത്തനം കൂടുതൽ ജനകീയവും ഫലപ്രദവുമാക്കാൻ ലക്ഷ്യമിട്ട് പുതിയ 'സ്റ്റുഡന്റ് മെന്റർ' പദ്ധതിക്ക് പൊതുവിദ്യാഭ്യാസ വകുപ്പിലെ കേരള ഇൻഫ്രാസ്ട്രക്ചർ ആൻഡ് ടെക്‌നോളജി ഫോർ എഡ്യൂക്കേഷൻ (കൈറ്റ് ) തുടക്കം കുറിച്ചു. നിലവിൽ ജില്ലയിലെ 150 സ്‌കൂൾ യൂണിറ്റുകളിലായി 9058 കുട്ടികൾ ലിറ്റിൽ കൈറ്റ്‌സിൽ അംഗങ്ങളാണ്. 300 അദ്ധ്യാപകർ ജില്ലയിൽ കൈറ്റ് മെന്റർമാരായി പ്രവർത്തിക്കുന്നുണ്ട്. ഇതിനു പുറമെയാണ് പത്ത് കുട്ടികൾക്ക് ഒരു വിദ്യാർത്ഥി എന്ന നിലയിൽ 450 'സ്റ്റുഡന്റ് മെന്റർമാരെ' തിരഞ്ഞെടുത്തത്.