മത്സ്യത്തൊഴിലാളിയെ കുത്തിക്കൊന്നയാൾ പിടിയിൽ

നാഗർകോവിൽ : കുളച്ചലിൽ അവിഹിത ബന്ധത്തെ ചൊല്ലി ഉണ്ടായ തർക്കത്തിൽ മത്സ്യത്തൊഴിലാളിയെ കുത്തി കൊലപ്പെടുത്തിയ പ്രതിയെ പൊലീസ് അറസ്റ്റ് ചെയ്തു. കുളച്ചൽ കടിയപ്പട്ടിണം സ്വദേശി രാജ (51) നെയാണ് കുളച്ചൽ പൊലീസ് അറസ്റ്റ് ചെയ്തത്. കൊട്ടിൽപാട് സ്വദേശി പുഷ്പനാഥൻ (56) ആണ് കൊല്ലപ്പെട്ടത്. കഴിഞ്ഞ ദിവസം രാത്രി ആയിരുന്നു സംഭവം. പുഷ്പനാഥനും രാജന്റെ ഭാര്യ ജാസ്മിൻ ലളിതയുമായിട്ടുള്ള ബന്ധത്തെ ചൊല്ലി കഴിഞ്ഞ ദിവസം രാത്രിയിൽ

രാജനും ജാസ്മിനും തമ്മിൽ നടന്ന വാക്ക് തർക്കത്തിനിടെ രാജൻ കത്തി കൊണ്ട് പുഷനാഥനെ കുത്തി കൊലപ്പെടുത്തുകയായിരുന്നു.

രാജനും ഭാര്യ ജാസ്മിനും വഴക്കുണ്ടാക്കുമായിരുന്നു. രണ്ട് മാസങ്ങൾക്ക് മുൻപ് ജാസ്മിൻ ലളിത പുഷ്പനാഥന്റെ വീട്ടിൽ ആയിരുന്നു താമസം. ജാസ്മിൻ ലളിതയുടെ സഹോദരിയുടെ ഭർത്താവാണ് പുഷ്പനാഥൻ.