'നിപ വ്യാപനം ഗൗരവത്തിൽ കൈകാര്യം ചെയ്യണം, പ്രതിരോധ പ്രവർത്തനങ്ങൾ പാളി'; ആരോഗ്യവകുപ്പിനെതിരെ പിണറായി വിജയൻ

തിരുവനന്തപുരം: സംസ്ഥാനത്ത് വീണ്ടും നിപ വൈറസ് ബാധ റിപ്പോർട്ട് ചെയ്ത സാഹചര്യത്തിൽ ആരോഗ്യവകുപ്പിനെതിരെ രൂക്ഷവിമർശനവുമായി പ്രതിപക്ഷ നേതാവ് പിണറായി വിജയൻ. ആരോഗ്യവകുപ്പ് നിപയെ വേണ്ട ​ഗൗരവത്തോടെ കാണുന്നില്ലെന്ന് അദ്ദേഹം വിമർശിച്ചു.

സർക്കാരും ആരോ​ഗ്യവകുപ്പും തമ്മിൽ ഏകോപനമില്ലെന്നും നിലവിൽ വളരെ ശോചനീയമായ നിലയിലാണെന്നും അദ്ദേഹം കുറ്റപ്പെടുത്തി. നിപ വീണ്ടും റിപ്പോർട്ട് ചെയ്ത സാഹചര്യത്തിൽ ആരോ​ഗ്യമന്ത്രി കെ മുരളീധരൻ വരികയോ ഇടപെടുകയോ ചെയ്യേണ്ടതാണെന്നും എന്നാൽ അത് ഉണ്ടായില്ലെന്നും പ്രതിപക്ഷ നേതാവ് ചൂണ്ടിക്കാട്ടി.

അതേസമയം, ദേവസ്വം പ്ലീഡർ നിയമനത്തിലും സർക്കാരിനെതിരെ അദ്ദേഹം രൂക്ഷ വിമർശനമാണ് ഉന്നയിച്ചത്. ദേവസ്വം പ്ലീഡർ നിയമനം വിചിത്രമാണെന്ന് പറഞ്ഞ അദ്ദേഹം ദേവസ്വം മന്ത്രിയറിയാതെ എങ്ങനെ നിയമനം നടത്തുമെന്നും ചോദിച്ചു. നിയമനം കള്ളന് ചൂട്ട് പിടിക്കുന്നത് പോലെയെന്നും പിണറായി വിജയൻ കുറ്റപ്പെടുത്തി.