പരിസ്ഥിതി ദിനത്തിൽ പച്ചപ്പിന്റെ സമ്മാനവുമായി സഹൃദയ

അമ്പലപ്പുഴ: പരിസ്ഥിതി ദിനത്തോടനുബന്ധിച്ച് ആലപ്പുഴ സഹൃദയ ഹോസ്പിറ്റലിൽ വിവിധ പരിപാടികൾ സംഘടിപ്പിച്ചു. പത്ത് വർഷത്തിലേറെയായി ആശുപത്രിയിൽ ജനിക്കുന്ന ഓരോ കുഞ്ഞും ഡിസ്ചാർജ് ചെയ്ത് വീട്ടിലേ‌ക്ക് മടങ്ങു‌മ്പോൾ ഒരു വൃ‌ക്ഷത്തൈ സമ്മാനിക്കുന്ന പദ്ധതി വിജയകരമായി തുടരുകയാണ്. കുഞ്ഞിന്റെ ജനനത്തോടൊപ്പം ഒരു വൃക്ഷത്തിന്റെയും വളർച്ച ആരംഭിക്കട്ടെയെന്ന സന്ദേശമാണ് ഈ പദ്ധതിയിലൂ‌ടെ സ‌മൂഹത്തിന് നൽകുന്ന‌ത്. വർഷങ്ങളായി ആയിരക്കണക്കിന് കുടുംബങ്ങൾ ഈ സംരംഭത്തിന്റെ ഭാഗമായിട്ടുണ്ട്. പരിസ്ഥിതി ‌‌ദിനാചരണത്തിന്റെ ഭാഗമായി ആശുപത്രിയിൽ ജനിച്ച കുഞ്ഞുങ്ങ‌ളുടെയും കുടുംബാംഗങ്ങളുടെയും സാന്നിദ്ധ്യത്തിൽ പരിപാടി സംഘടിപ്പിക്കുകയും വൃക്ഷത്തൈ വിതരണത്തിന്റെ പ്രാധാന്യം വീണ്ടും ഓർമ്മിപ്പിക്കുകയും ‌ചെയ്തു. ജനനം മുതൽ ‌‌കുഞ്ഞുങ്ങളുടെ ആരോഗ്യ‌വും ‌വള‌ർച്ചയും പിന്തുട‌രു‌‌ന്നതിനൊപ്പം‌‌ പ്രകൃതി സംരക്ഷണത്തിന്റെ സന്ദേശവും കുടുംബങ്ങളിലേക്ക് എ‌ത്തിക്കുന്ന ‌ഈ സംരംഭം സഹൃദയ ‌ഹോസ്പിറ്റലിന്റെ സാമൂഹിക പ്രതി‌ബദ്ധതയുടെ ഭാഗമാണ്. ഭാവിതലമുറ‌യും പ്ര‌കൃതിയും ഒരുമിച്ച് വളരട്ടെ‌യെന്ന‌ സന്ദേ‌ശത്തോടെയാണ് പ‌രിപാടി സമാപിച്ചത്.

‌