വൈഭവ് സൂര്യവംശി ടീമിൽ; ന്യൂസിലാൻഡിനെതിരെ ടോസ് ഇന്ത്യയ്ക്ക്,​ ബൗളിംഗ് തിരഞ്ഞെടുത്ത് ശ്രേയസ് അയ്യർ

ക്രൈസ്റ്റ്ചർച്ച്: ഇന്ത്യ–ന്യൂസിലൻഡ് രണ്ടാം ട്വന്റി20 മത്സരത്തിൽ ടോസ് നേടിയ ഇന്ത്യ ബൗളിംഗ് തിര‌ഞ്ഞെടുത്തു. കഴിഞ്ഞ മത്സരത്തിലെ പരിക്കിനെത്തുടർന്ന് ഇഷാൻ കിഷന് വിശ്രമം അനുവദിച്ചതിനെത്തുടർന്ന് വൈഭവ് സൂര്യവംശിക്ക് അവസരം നൽകി. മൂന്നാമനായാണ് വൈഭവ് ഇന്നിറങ്ങുന്നത്. ഓപ്പണർമാരായി സഞ്ജു സാംസണും അഭിഷേക് ശർമയും തുടരും.

അഞ്ച് മത്സരങ്ങളടങ്ങിയ ട്വന്റി20 പരമ്പരയിൽ ഇന്ത്യ നിലവിൽ 1–0ന് മുന്നിലാണ്. ആദ്യ മത്സരത്തിൽ 226 റൺസ് വിജയലക്ഷ്യം പിന്തുടർന്ന ഇന്ത്യ നാല് വിക്കറ്റിന് ജയിച്ചിരുന്നു. പരമ്പരയിൽ ലീഡ് ഉയർത്തുകയെന്ന ലക്ഷ്യത്തോടെയാണ് ഇന്ത്യ രണ്ടാം മത്സരത്തിനിറങ്ങുന്നത്. പേസർ മയങ്ക് യാദവിന് പകരക്കാരനായി പ്രിൻസ് യാദവിനെയും ടീമിൽ ഉൾപ്പെടുത്തിയിട്ടുണ്ട്.

പ്ളെയിംഗ് ഇലവൻ

സഞ്ജു സാംസൺ,​ അഭിഷേക് ശർമ, വൈഭവ് സൂര്യവംശി, തിലക് വർമ, ശ്രേയസ് അയ്യർ (C), അക്സർ പട്ടേൽ, നമൻ ധീർ, നിതീഷ് കുമാർ റെഡ്ഡി, ഭുവനേശ്വർ കുമാർ, അർഷ്ദീപ് സിംഗ്, പ്രിൻസ് യാദവ്