പാലക്കാട്ട് കെഎസ്ആർടിസി ബസ് മോഷ്ടിച്ച കള്ളൻ പിടിയിൽ

പാലക്കാട്: ഡിപ്പോയിൽ നിന്ന് കെഎസ്ആ‌ർടിസി ബസ് മോഷിടിച്ച കേസിൽ ഒരാൾ അറസ്റ്റിൽ. നെല്ലിക്കാട് സ്വദേശി ഫാസിലിനെയാണ് അറസ്റ്റ് ചെയ്തത്. സിസിടിവി കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെ പിടികൂടിയത്. കേസിൽ ഒരാൾ കൂടി പിടിയിലാകാനുണ്ടെന്ന് പൊലീസ് അറിയിച്ചു. ജൂൺ ഏഴിന് പുലർച്ചെ 2.50ഓടെയാണ് ബസ് മോഷണം പോയത്. പിന്നാലെ അഞ്ചരയോടെ ഡിപ്പോയിൽ നിന്നും ഒരു കിലോമീറ്റർ അപ്പുറത്തുള്ള മംഗളം ടവറിന് സമീപത്തായി ബസ് നിർത്തിയിട്ട നിലയിൽ കണ്ടെത്തിയിരുന്നു. തുടർന്ന് നടത്തിയ അന്വേഷണത്തിലാണ് പ്രതിയെ പിടികൂടിയത്.