ബീച്ചിൽ നഗ്നതാപ്രദർശനം; യുവാവ് അറസ്റ്റിൽ

വർക്കല: ബീച്ചിലെത്തിയ യുവതികൾക്ക് മുന്നിൽ നഗ്നതാപ്രദർശനം നടത്തിയ സ്വകാര്യ റിസോർട്ട് ജീവനക്കാരനെ വർക്കല പൊലീസ് അറസ്റ്റ് ചെയ്തു.പാലച്ചിറ പട്ടിയാരത്തുംവിള വീട്ടിൽ വിനീത്.വിയാണ് (39) അറസ്റ്റിലായത്.ഇന്നലെ ഉച്ചയ്ക്ക് 1.30ഓടെ പാപനാശം ഏണിക്കൽ ബീച്ചിലായിരുന്നു സംഭവം.ബീച്ചിലൂടെ നടന്നുവരികയായിരുന്ന ഹൈദരാബാദ് സ്വദേശികളായ യുവതികളെ വിനീത് തടഞ്ഞുനിറുത്തി നഗ്നതാപ്രദർശനം നടത്തിയെന്നാണ് പരാതി.യുവതികൾ സംഭവം ടൂറിസം പൊലീസിനെ അറിയിച്ചതോടെയാണ് ഇയാളെ പിടികൂടിയത്.

സ്വകാര്യ റിസോർട്ടിൽ സെക്യൂരിറ്റി ജീവനക്കാരനാണ് വിനീത്.സ്ത്രീത്വത്തെ അപമാനിച്ചതിനും പൊതുസ്ഥലത്ത് അശ്ലീല പ്രദർശനം നടത്തിയതിനും വകുപ്പുകൾ ചുമത്തി മേൽനടപടികൾ സ്വീകരിക്കുമെന്ന് വർക്കല പൊലീസ് അറിയിച്ചു.